Ai Lué o no poriae nàsce o Segnò!
no gh’é ciù ‘na stalla, no gh’é ciù ‘n pastò
no gh’é ciù l’àze, no gh’é ciù o beu
pe rescàdà co-o sciòu o nùo fìgeu!

Into pàize no gh’è ciù nisciùn 
sôlo pe-i funzi ariâ  quarcùn
no poriescimo manco andàlo a trovà
perchè no gh’é ninte da poeighe portà!

Éuve, polàstri, conìggi e bae
en tutte cose desmentegae
ninte ciù cànpi a coltivacion
de gran, avenn-a, patàtte e granon!

Manco ciù o praeve… a Gexetta a gh’é ancon
ma a mézanéutte nisciùnn-a foncion
s’aregordemmo che l’è nasciùo o Banbin
pregando insemme arènte a-o camin!

Rivisitazione tratta dalla Poesia di Carlo Muzio “Natale co-o magon”